2019 жылдың 26 сәуірінде ғылыми кітапханада “Тілге құрмет – елге құрмет” атты әдеби-сазды кеш өтті.
Әдеби кешке филология факультетінің қазақ тілі мамандығының студенттері қатысты. Шараға қатысушылар ана тілін қастерлеуге баулыйтын, туған тілін құрметтеуге тәрбиелейтін ақындардың өлеңдерін, нақыл сөздерін мәнерлеп оқыды. 1 курс студенті Еркін Ерболат күй шертіп, Айдана Төлетаева тіл туралы ән салды, Ә. Бекмұханбетов, А. Амангелді, Ерасыл Қожахметов викториналық сұрақ-жауап ойынына белсенді қатысып, тілге деген білімін, құрметін көрсетті.
Кеш соңында шараға қатысушылар «Тілге құрмет – елге құрмет» атты кітап көрмесін тамашалады. Шараға атсалысқан студенттерге құнды тарту кітап сыйға берілді.