02–10 қазан аралығында университеттің барлық студенттер үйінде және ЕҰУ колледжінің жатақханасында «Кітапханашыға сұрақ» атты дәстүрлі ақпарат апталығы өтті.
Апталық аясында студенттер кітапхана қызметтерінің барлық мүмкіндіктерімен: кітапхананың сайты мен электрондық ресурстары, абонементтер мен оқу залдарының қызмет көрсету жүйесі, электрондық каталог және әлеуметтік желілері туралы толық ақпарат алды.
Электрондық ресурстарды ұйымдастыру және сақтау бөлімінің қызметкерлері білім беру және ғылыми ресурстарды таныстырды.
Кітапхананың электрондық ресурстарын қолдануға оқу ғимараттарында және студенттік үйінде пайдалану барлығына қолжетімді, тек қашықтықтан қолдану кезінде тіркелу керектігі айтылды. Студенттер кітапхананың электронды каталогынан қажетті әдебиеттерді іздеу мүмкіндіктері туралы кеңес алды.
«American Corner and Maker Space » ақпараттық орталығының қызметі аудиторияның ерекше қызығушылығын тудырды. Ағылшын тілін меңгеруді жетілдіруге, шешендік және көшбасшылық қабілеттерін игеруге, Maker Space зертханасында техникалық білім мен дағдыларды дамытуға ықпал ететін түрлі білім беру және мәдени іс-шараларға қатысуға мүмкіндік алды.
Барлық студенттер үйіне BookCrossing кітаптар бұрышы ұйымдастырылды.
Кездесу барысында қатысушылар «Ақпараттық-кітапханалық қызмет көрсету сапасына қанағаттану» сауалнамасынан онлайн режимде өтті.
Студенттер үйіндегі кездесулер сұрақ-жауап сессиясымен аяқталды: «Электрондық ресурстарды қалай пайдалануға болады?», «Қашықтықтан дерекқорларға қол жеткізу мүмкіндігі бар ма?», «Американдық бұрыштағы іс-шараларға қатысу үшін ағылшын тілін білудің қандай деңгейі қажет», » Сіз қалай ерікті бола аласыз?», «Кітапхананың оқу клубына қалай жазылуға болады?», «Кітапхананың жұмыс уақытын ұзартуға бола ма?» және т. б.
Осындай кездесулер университет ортасына бейімделуге, ақпараттық ресурстарды іздеу мен жұмыс істеудің заманауи дағдыларын игеруге, қажетті ақпаратты алу үшін де, бос уақытты пайдалы өткізу үшін де кітапханамен байланысты нығайтуға көмектеседі.
